کراچی: اداکارہ علیزے شاہ نے اپنے فیشن سینس پر کی جانے والی تنقید کا کرارا جواب دے ڈالا۔
اداکارہ علیزے اس وقت امریکا میں چھٹیاں گزار رہی ہیں اور اس دوران انسٹاگرام اسٹوریز کے ذریعے اپنی تصاویر اور پیغامات شیئر کررہی ہیں۔
علیزے نے لکھا، مجھے پتا ہے کہ پاکستانی ہونے کے ناتے میرا منفرد فیشن سینس لوگوں کو عجیب لگتا ہے، مگر یہ میرا مسئلہ نہیں۔
انہوں نے ناقدین کو آڑے ہاتھوں لیتے ہوئے کہا، میں ایک پبلک فگر ہوں، پبلک پراپرٹی نہیں، لہٰذا اپنی فضول رائے اپنے پاس رکھیں!
انہوں نے مزید لکھا، مجھے اُن پر ترس آتا ہے جو مجھ سے نفرت کرتے ہیں کیونکہ شاید انہیں خود کبھی پیار نہیں ملا۔
علیزے، جن کے انسٹاگرام پر 4.3 ملین فالوورز ہیں، اپنے ڈرامے عشق تماشا، میرا دل میرا دشمن، جو تُو چاہے شامل ہیں۔
چھٹیوں کے دوران، وہ جدید اسٹائل میں اپنی تصویریں اور ڈانس ویڈیوز شیئر کررہی ہیں۔
