اعجاز اسلم نے فیصل قریشی کو مردوں کا ماہ نور بلوچ کیوں کہا؟

انٹرٹینمنٹخاص خبریں
ویب ڈیسک کے ذریعہ  

کراچی: شوبز کی دُنیا میں اداکار اعجاز اسلم اور فیصل قریشی کی دوستی کے بڑے چرچے رہتے ہیں، دونوں دیرینہ دوست کئی پروجیکٹس میں عرصہ دراز سے مرکزی کرداروں میں نظر آرہے ہیں اور یہ سلسلہ اب تک جاری ہے۔


دونوں کا شمار ٹی وی کے سینئر اداکاروں میں ہوتا ہے اور ان کا کیریئر تین عشروں پر محیط ہے۔ اعجاز اسلم نے اپنے دوست فیصل قریشی سے چھیڑ خانی کرتے ہوئے انہیں مردوں کا ماہ نور بلوچ قرار دیا ہے۔
اداکارہ ماہ نور بلوچ 51 برس کی ہوگئی ہیں لیکن آج بھی وہ نوجوان اور پُرکشش نظر آتی ہیں، یہی وجہ ہے کہ ناصرف سوشل میڈیا صارفین بلکہ کئی اداکار بھی اکثر ان کی عمر سے متعلق دلچسپ تبصرے کرتے رہتے ہیں۔


اعجاز اسلم نے سوشل میڈیا پر ایک مختصر سی وڈیو پوسٹ کی ہے جس میں ان کے ساتھ اداکار فیصل قریشی اور ماہ نور بلوچ ہیں، وڈیو کے ساتھ انہوں نے لکھا کہ مردوں کے ماہ نور بلوچ حقیقت کی ماہ نور بلوچ کے ہمراہ۔ اعجاز اسلم نے اس وڈیو کو ناصرف ماہ نور بلوچ اور فیصل قریشی کو ٹیگ کیا بلکہ مزاحیہ وڈیو کا ہیش ٹیگ بھی استعمال کیا ہے۔

پڑھنا جاری رکھیں
ویب ڈیسک 11837 پوسٹس 0 تبصرے
شاید آپ یہ بھی پسند کریں مصنف سے مزید  

جواب شامل کریں

آپ کا ای میل ایڈریس شائع نہیں کیا جائے گا۔