کراچی: اداکارہ اور میزبان ندا یاسر حج کی ادائیگی کے لیے سعودی عرب روانہ ہوگئیں۔
اس حوالے سے ندا یاسر نے اپنے آفیشل انسٹاگرام ہینڈل پر اپنی چند تصاویر پوسٹ کیں جن میں اُنہیں حجاب اور عبایہ میں ملبوس دیکھا جاسکتا ہے۔
اُنہوں نے اپنی پوسٹ میں مداحوں سے مخاطب ہوتے ہوئے کہا کہ میں حج کے لیے روانہ ہورہی ہوں، مجھے اپنی دُعاؤں میں لازمی یاد رکھیے گا۔
ندا یاسر نے اپنے دوست احباب اور چاہنے والوں سے مزید کہا کہ اس مبارک موقع پر، میرا پچھلا کہا سُنا معاف کیجیے گا۔
شوبز شخصیات اور مداحوں کی جانب سے ندا یاسر کو حج کی ادائیگی کے لیے مبارکباد دی جارہی ہے۔
خیال رہے کہ ندا یاسر پہلی بار فریضہ حج ادا کریں گی، وہ اس سے قبل عُمرے کی سعادت حاصل کرچکی ہیں۔
