کراچی: اداکارہ صبور علی نے اپنی بہن اور معروف اداکارہ سجل علی کی سالگرہ کے موقع پر خوبصورت تصاویر سوشل میڈیا پر شیئر کیں، جو مداحوں کی توجہ کا مرکز بن گئیں۔
ان تصاویر میں بہنوں کے درمیان گہری محبت اور خوش گوار لمحات صاف جھلکتے نظر آئے۔
صبور علی نے تصاویر کے ساتھ محبت بھرا پیغام بھی لکھا اور سجل علی کے لیے نیک تمناؤں کا اظہار کیا۔
دونوں بہنوں کی یہ یادگار تصاویر ان کے مضبوط رشتے اور خلوص کی خوبصورت عکاسی کرتی ہیں۔
سالگرہ کی یہ جھلکیاں سوشل میڈیا پر تیزی سے وائرل ہو گئیں۔
ایک جانب مداحوں اور شوبز شخصیات نے سجل علی کو سالگرہ کی مبارک باد دی اور تصاویر کی خوب تعریف کی تو دوسری جانب بعض صارفین نے دونوں بہنوں بالخصوص صبور علی کے بولڈ لباس کو شدید تنقید کا نشانہ بنایا۔
بعض صارفین کی جانب سے سوشل میڈیا پوسٹ پر انتہائی سخت کمنٹس بھی دیکھنے میں آئے۔
