اسلام آباد: معروف اینکر اور میزبان اقرار الحسن کی پیشہ ورانہ کامیابیوں کے ساتھ ذاتی زندگی بھی اکثر خبروں کی زینت بنی رہتی ہے، کیونکہ وہ تین باصلاحیت اور خودمختار خواتین قرۃ العین اقرار، فرح یوسف اور عروسہ خان کے شوہر ہیں۔
ان کی پہلی بیوی سے ایک بیٹا بھی ہے جس کا نام پہلاج ہے۔
اقرارالحسن متعدد مواقع پر یہ بات دہرا چکے کہ ان کی تینوں بیگمات کے درمیان خوش گوار تعلق اور باہمی ہم آہنگی پائی جاتی ہے۔
گزشتہ روز ایک افسوس ناک واقعے کے بعد یہ خاندان ایک بار پھر اکٹھا نظر آیا۔ ان کے قریبی دوست راجہ مطلوب اسلام آباد میں ایک کار حادثے میں جاں بحق ہوگئے تھے، جن کی نمازِ جنازہ میں اقرار الحسن نے شرکت کی۔ میت میں شرکت کے موقع پر ان کی تینوں بیگمات بھی ہمراہ تھیں۔
بعد ازاں عروسہ خان نے سوشل میڈیا پر ایک ویڈیو شیئر کی جس میں خاندان کو ایک ریسٹورنٹ میں اکٹھے کھانا کھاتے دیکھا جا سکتا ہے۔
ویڈیو میں اقرار الحسن، پہلاج، قرۃ العین اقرار، فرح یوسف اور عروسہ خان موجود تھے۔ عروسہ خان اس سے قبل بھی فرح یوسف اور قرۃ العین کے ساتھ ویڈیوز شیئر کر چکی ہیں۔
اس ویڈیو پر سوشل میڈیا صارفین نے حیرت اور مختلف آراء کا اظہار کیا۔ کچھ نے اسے پُرسکون لمحہ قرار دیا جبکہ بعض صارفین نے اسے غیر معمولی قرار دیتے ہوئے اقرار الحسن کو تنقید کا نشانہ بنایا۔
