کراچی: پاکستان سے تعلق رکھنے والی سینئر اداکارہ و ہدایت کارہ انجلین ملک نے کینسر کو شکست دینے میں کامیابی حاصل کرلی۔
انجلین ملک کینسر کی تشخیص کے بعد سے ہی اپنے مداحوں کو صحت سے متعلق آگاہ کرتی رہی ہیں۔
تاہم حال ہی میں اداکارہ نے اپنے کینسر سے نجات حاصل ہونے کی خوش خبری سنائی ہے۔
اس حوالے سے انجلین ملک نے سوشل میڈیا اکاؤنٹ انسٹاگرام پر ایک ویڈیو شیئر کی جس میں انہوں نے بتایا کہ کینسر سے پاک اسکین ایک فتح ہے، لیکن سفر جاری ہے۔
انجلین ملک نے بتایا کہ طبی طور پر کینسر سے پاک قرار دینے کے لیے صاف اسکین کے لیے 2 سے 5 سال لگتے ہیں اور کبھی کبھی 10 سال بھی لگ سکتے ہیں، تو ہاں اب میں کینسر سے پاک ہوں۔
انہوں نے مزید بتایا کہ کینسر کے دوران کچھ دن امید لاتے ہیں، کچھ خوف لاتے ہیں لیکن میں ان سب کا ہمت سے سامنا کرتی ہوں، آج کے لیے شکر گزار، کل کے لیے تیار اور کبھی ہمت نہ ہارنے کا جذبہ رکھتی ہوں۔
انجلین ملک کی اس پوسٹ کے بعد ان کے چاہنے والوں کی جانب سے مبارک باد اور نیک تمناؤں کا اظہار کیا جا رہا ہے۔
