ڈھاکا: بنگلادیش کی سابقہ وزیراعظم خالدہ ضیاء کی حالت تشویش ناک ہونے کے سبب انہیں وینٹی لیٹر پر منتقل کردیا گیا۔
بنگلادیش کے میڈیا کے مطابق میڈیکل بورڈ کا کہنا ہے کہ خالدہ ضیاء سانس کی تکلیف کے ساتھ اضافی طبی پیچیدگیوں میں مبتلا ہیں۔
میڈیکل بورڈ کا بتانا ہے کہ ان کے نظام تنفس اور دیگر اعضاء کو سپورٹ فراہم کرنے کے لیے انہیں وینٹی لیٹر پر منتقل کیا گیا ہے۔
بنگلادیش کے میڈیا کے مطابق 80 سالہ خالدہ ضیا دل اور پھیپھڑوں میں انفیکشن کی شکایت پر 23 نومبر سے اسپتال میں ہیں۔
