نیویارک: آئی ایم ایف نے اپنی تازہ ترین سالانہ رپورٹ میں بھارت کو معاشی ڈیٹا کے ناقص معیار کے باعث مسلسل دوسرے سال بھی سی گریڈ دے کر عالمی سطح پر بھارت کی سبکی میں مزید اضافہ کردیا ہے۔
رپورٹ میں واضح کیا گیا ہے کہ 2011-12 کا بھارتی معاشی ڈیٹا شدید طور پر پرانا، نامکمل اور معیار کے بین الاقوامی تقاضوں سے مطابقت نہیں رکھتا، جس سے بھارت کی اقتصادی تصویر دھندلا کر رہ جاتی ہے۔
آئی ایم ایف کے مطابق بھارتی حکومت کا آمدن کی بنیاد پر جی ڈی پی ناپنے کا طریقہ کار پہلے ہی عالمی ماہرین کی سخت تنقید کی زد میں رہا ہے اور یہی خامیاں معاشی نگرانی، پالیسی سازی اور حقیقی ترقی کے درست اندازوں میں رکاوٹ بنتی ہیں۔
رپورٹ میں مزید کہا گیا کہ جب تک بھارت اپنے معاشی ڈیٹا کے معیار میں بہتری نہیں لاتا، اس کی اقتصادی کارکردگی کا درست تجزیہ عالمی اداروں کے لیے چیلنج ہی رہے گا۔
