مدینہ منورہ: موسمِ سرما کی پہلی بارش مدینہ منورہ سمیت گرد و نواح میں برس پڑی۔ موسم سرد ہوگیا۔
تفصیلات کے مطابق مسجد نبوی ﷺ سمیت مدینہ منورہ میں موسمِ سرما کی پہلی بارش سے موسم جل تھل ہوگیا ہے۔
مدینہ منورہ کے علاوہ گرد و نواح میں بھی بھی بارانِ رحمت خوب جم کر برسی۔
اس موقع پر مدینہ منورہ اور مسجد نبوی میں موجود زائرین نے بارش کے برسنے پر اللہ کا شکر ادا کیا۔
سعودی محکمۂ موسمیات نے الرٹ جاری کیا ہے کہ ملک میں بارشوں کی شدت مختلف علاقوں میں مختلف ہوسکتی ہے۔ تاہم کچھ خطوں میں شدید موسمی حالات کی وجہ سے عارضی رکاوٹیں اور نشیبی علاقوں میں پانی بھر سکتا ہے.
خیال رہے کہ اس سے چند روز قبل سعودی عرب کے تمام علاقوں میں نماز استسقاء ادا کی گئی تاکہ اللہ سے بارش کی دعا کی جاسکے۔
یہ نماز سنت نبویﷺ کے مطابق خشک سالی اور بارش کے دیر سے آنے کے دوران ادا کی گئی، تاکہ اللہ کی مہربانی اور کرم سے پورے ملک میں بارش ہو سکے۔
