کراچی: پاکستان کرکٹ ٹیم کے مسٹری لیگ اسپنر ابرار احمد سر پر سہرا سجانے کے لیے تیار ہیں۔
مختلف میڈیا رپورٹس میں قومی کرکٹر ابرار احمد کے خاندانی ذرائع کا حوالہ دیتے ہوئے بتایا گیا ہے کہ ان کی شادی آج 4 اکتوبر کو کراچی میں ہوگی۔
سوشل میڈیا پر گردش کرنے والی خبروں کے مطابق 27 سالہ ابرار احمد کی مہندی کی تقریب گزشتہ شب منعقد ہوئی جب کہ ان کا ولیمہ 6 اکتوبر کو ہوگا۔
ابرار احمد کی جانب سے انسٹاگرام اسٹوری پر سبز شلوار قمیص پہنے تصاویر بھی شیئر کی گئیں۔
میڈیا رپورٹس میں بتایا جارہا ہے کہ ابرار احمد کا نکاح پہلے ہی ہوچکا ہے۔
تاہم ابرار احمد کی ہونے والی اہلیہ کے حوالے سے تاحال کوئی معلومات سامنے نہیں آسکی ہیں۔
یاد رہے کہ ابرار احمد ایشیا کپ 2025 کے فائنل میں پہنچنے والی پاکستانی ٹیم کا حصہ تھے۔
