گلوکارہ آئمہ بیگ نے خاموشی سے قریبی دوست سے نکاح کرلیا

کراچی: گلوکارہ آئمہ بیگ اپنے قریبی دوست زین احمد کے ساتھ رشتہ ازدواج میں بندھ گئیں۔
نجی ویب سائٹ کا دعویٰ ہے کہ گلوکارہ آئمہ بیگ اپنے قریبی دوست زین احمد کے ساتھ رشتہ ازدواج سے منسلک ہوگئی ہیں۔ آئمہ اور زین کو مختلف مواقع پر ایک ساتھ دیکھا گیا تھا اور انہوں نے کچھ عرصہ قبل اپنی تعلق کا انسٹاگرام پر بھی باضابطہ طور پر اظہار کیا تھا۔
ذرائع کے مطابق آئمہ بیگ اور زین احمد نے کینیڈا میں ایک سادہ اور نجی تقریب میں نکاح کیا۔ اس تقریب کی ایک تصویر شب سوشل میڈیا پر گردش کررہی ہے جس سے ان کے نکاح کی خبر کی تصدیق ہوگئی ہے۔ یہ جوڑا اب باقاعدہ طور پر شادی شدہ ہے اور ایک نئے سفر کا آغاز کر چکا ہے۔
خیال رہے کہ اس سے قبل گلوکارہ آئمہ بیگ اداکار شہباز شگری کی منگیتر تھیں تاہم انہوں نے کچھ عرصے بعد سوشل میڈیا پر منگنی توڑنے کا اعلان کردیا تھا جس کے بعد آئمہ کو زین احمد کے ساتھ متعدد مرتبہ دیکھا گیا تھا۔