نئی دہلی: بھارت کی حکمراں جماعت بی جے پی میں قیادت کا بحران شدت اختیار کر گیا ہے اور پارٹی کے اندرونی خلفشار کے ساتھ ہی نریندر مودی پر ریٹائرمنٹ کے لیے دباؤ بڑھنے لگا ہے۔
میڈیا رپورٹس کے مطابق بی جے پی میں قیادت کا بحران اور اندرونی خلفشار کھل کر سامنے آگیا اور مودی کی عمر 75 برس کے قریب ہوتے ہی بھارت کے اندر سے ریٹائرمنٹ کی آوازیں بلند ہونے لگی ہیں۔
بی جے پی کے سینئر رہنما سبرامنیم سوامی کے مطابق مودی کو ستمبر میں شنگھائی تعاون تنظیم (ایس سی او) اجلاس کے لیے چین نہیں جانا چاہیے۔
انہوں نے کہا کہ چین بھارت کا درپردہ دشمن ہے، کیونکہ اس نے لداخ اور اروناچل پردیش کے کئی علاقوں پر قبضہ کرلیا ہے۔
سبرامینم سوامی نے کہا کہ مودی پارٹی پالیسی کے تحت ستمبر میں ریٹائر ہورہے ہیں، اس لیے نمائندگی کا جواز اب باقی نہیں رہا۔
بھارت میں وشو گرو کا نعرہ لگانے والے مودی آج اپنی ہی پارٹی کے لیے بھاری بھر کم بوجھ اور شرمندگی کا باعث بن چکے ہیں۔