لاہور: پاکستان کی ٹی ٹوئنٹی کرکٹ ٹیم کے کپتان سلمان علی آغا نے پی سی بی کی طرف سے جاری کردہ دلچسپ انٹرویو میں ساتھی کھلاڑیوں کے دلچسپ نک نیمز سے پردہ اُٹھا ڈالا۔
سولمن، چھوٹا ڈان، چوڑا، شیدی، بوبی اور فوجی جیسے ناموں سے بعض کھلاڑیوں کو پکارا جاتا ہے۔
سلمان علی آغا نے بتایا کہ صائم ایوب کو نولک شاٹ، سعود شکیل کو چوڑا کہتے ہیں کیوں کہ اس کا ایٹی ٹیوڈ نیکسٹ لیول ہے۔ بابراعظم نے اس کا نام چھوٹا ڈان رکھا تھا۔
سلمان علی آغا نے بتایا کہ فخر زمان کو فوجی کہہ کر بلاتے ہیں۔ شاداب کو شیدی اور بابر اعظم کو بوبی کہتے ہیں، محمد نواز کا اپنا ہی انداز ہے، وہ مجھے سولمن پکارتا ہے۔
انہوں نے یہ بھی بتایا کہ اگر آخری بال پر 6 رنز درکار ہوں گے تو حسن نواز کو بیٹنگ کے لیے بھیجوں گا۔ اس نے پی ایس ایل میں ایسا کرکے بھی دکھایا ہے۔