میں غصے کی بہت تیز، گھر کے دروازے توڑدیتی ہوں، حرامانی

کراچی: اداکارہ حرا مانی نے انکشاف کیا ہے کہ وہ غصے میں اپنے گھر کے دروازے توڑ دیتی ہیں۔
اداکارہ حرا مانی کے ایک انٹرویو کا ویڈیو کلپ تیزی سے سوشل میڈیا پر وائرل ہورہا ہے، جس میں انہیں اپنے غصے سے متعلق بات کرتے ہوئے دیکھا گیا۔
حرا مانی نے کہا کہ میں غصے کی بہت تیز ہوں جس کی وجہ سے میرے گھر کے دروازے ہمیشہ ٹوٹے ہوئے ہوتے ہیں، میں غصے کے وقت الماریوں اور دروازے سب کے لاک توڑ دیتی ہوں اور اسی وجہ سے مجھے یہ سب ٹھیک بھی کرنا آتا ہے۔
حرا کا کہنا تھا کہ میں غصہ بچوں کے اسکول سے آنے سے پہلے کرتی ہوں لیکن اگر پھر بھی کبھی بچوں کی موجودگی میں مجھے یا مانی کو غصہ آجائے تو میں یا پھر مانی گھر سے باہر چلے جاتے ہیں۔
حرا مانی نے مزید کہا کہ آج کل مانی بے حد خوش ہے کیوں کہ میں صبح 9 بجے اپنے کام پر جاتی ہوں اور رات 10 بجے گھر واپس آتی ہوں اور یہی وجہ ہے کہ ان دنوں میرے گھر کے سارے دروازے سلامت ہیں۔
حرا مانی کا کہنا تھا کہ مجھے غصہ زیادہ اس وقت آتا ہے جب میں کام نہ کروں، اسی لیے مجھے مانی کہتے ہیں تم کام کرو کیوں کہ جب تم کام نہیں کرتی تو عجیب عورت ہوجاتی ہو۔