ایڈیلیڈ: ایک نئی تحقیق میں انکشاف ہوا ہے کہ شدید گرمی دل کے مریضوں میں جلد موت کی زیادہ شرح میں اضافے کی ذمے دار بنتی جارہی ہے۔
تحقیق میں اس بات کی وضاحت کی گئی کہ نتائج کا مطلب یہ ہے کہ ہر سال اوسطاً 49,483 صحت مند زندگیاں سالانہ شدید گرمی کی وجہ سے امراض قلب کا شکار ہوجاتی اور یہ تعداد 2050 تک دگنی سے بھی زیادہ ہوسکتی ہے۔
دل کی بیماری عالمی سطح پر موت کی سب سے بڑی وجہ ہے اور یہ حالت شدید گرمی میں مزید بگڑسکتی ہے۔
ایڈیلیڈ یونیورسٹی کے اہم محقق اور ماحولیاتی صحت کے ماہر پینگ بی نے کہا کہ جب موسم گرم ہوتا ہے تو ہمارے دلوں کو جسم کو ٹھنڈا رکھنے کے لیے زیادہ محنت کرنی پڑتی ہے۔
یہ عمل دباؤ بڑھاتا ہے جو خاص طور پر دل کی بیماری والے لوگوں کے لیے خطرناک ہوسکتا ہے۔
محققین مختلف وجوہ کی بنا پر موت کے خطرے کی گھنٹی بجارہے ہیں کہ ماحولیاتی تبدیلی انسانی صحت کے لیے ایک بنیادی خطرہ اور مہلک متعدی بیماریوں کی بڑھتی ہوئی منتقلی کے لیے خطرہ ہے۔
