کراچی: اداکارہ اور ماڈل وینا ملک اپنے دیرینہ دوست شہریار چوہدری کے ساتھ اپنے تعلقات سے متعلق سوال پر کھل کر اظہار خیال کیا ہے۔
حال ہی میں اداکارہ وینا ملک بلال عباس کے پروگرام میں شریک ہوئیں، جہاں انہوں نے اپنی نجی زندگی سمیت شوبز سے جڑے موضوعات پر بات کی۔
پروگرام میں شریک خاتون نے وینا ملک سے شہریار چوہدری سے متعلق سوال کیا، جواب میں اداکارہ نے انکشاف کیا کہ شہریار سے ان کی بات چیت انسٹاگرام پر میسجز کے ذریعے ہوئی تھی، تاہم وہ ان کے دوست نہیں، ان کا شہریار چوہدری کے ساتھ رومانس کا رشتہ ہے۔
وینا ملک نے واضح کیا کہ انہوں نے تاحال شہریار چوہدری سے شادی نہیں کی۔ شادی سے متعلق سوال پر وینا نے کہا کہ میں شادی کو لے کر اب بھی کنفیوژ ہوں مگر ابھی شادی کا ارادہ نہیں۔
وینا ملک کا کہنا تھا کہ وہ صاف گو اور حسن پرست ہیں، وہ چاہتی ہیں کہ ان کا قد اگر 5.5 ہے تو ان کے شوہر کا قد 6 فٹ ہونا چاہیے۔ انہوں نے لڑکیوں کو مشورہ دیا کہ اچھی زندگی گزارنے کے لیے اچھے مرد کا ساتھ بے حد ضروری ہے، اس لیے اپنے لیے اچھا مرد تلاش کریں، شوہر کی تلاش کے وقت اس کے کردار اور فطرت کو ضرور دیکھیں، کیونکہ انسان کی فطرت کبھی نہیں بدلتی۔
