کراچی: اداکارہ سونیا حسین نے کہا ہے کہ پاکستانی بیٹر بابر اعظم اب ان کے پسندیدہ کھلاڑی نہیں رہے۔
اداکارہ سونیا حسین حال ہی میں نجی ٹی وی چینل کی چیمپئن ٹرافی کے سلسلے میں خصوصی ٹرانسمیشن میں شریک ہوئیں، دوران شو اداکارہ نے کئی دلچسپ سوالوں کے جواب دیے۔
میزبان نے دوران گفتگو سوال کیا کہ پاکستان کی کرکٹ ٹیم میں آپ کا پسندیدہ کھلاڑی کون سا ہے؟
اس سوال کے جواب میں سونیا حسین نے بتایا کہ قومی کرکٹ ٹیم میں اب تک تو میرے فیورٹ پلیئر بابر بھائی تھے، لیکن اب ایسا نہیں ہے۔
اداکارہ نے کہا کہ اب میرا پسندیدہ کھلاڑی کوئی اور ہے، لیکن میں اس کھلاڑی کا نام نہیں جانتی۔
سونیا حسین کا کہنا تھا کہ سابقہ کھلاڑیوں میں مجھے فاسٹ بولر شعیب اختر بے حد پسند ہیں، ان کی اپنی ایک پہچان ہے، وہ آج بھی کھلاڑیوں کے درمیان کھڑے ہوں تو الگ نظر آتے ہیں۔
