کراچی: میئر کراچی مرتضیٰ وہاب عباسی شہید اسپتال کی لفٹ میں پھنس گئے، جس کی ویڈیو وائرل ہوگئی
اسپتال حکام کے مطابق لفٹ چوتھی منزل سے تیزی سے پہلی منزل پر آکر پھنس گئی تھی، جس میں میئر اور ڈپٹی میئر سمیت 15 سے زائد افراد موجود تھے۔
ذرائع نے بتایا کہ میئر سمیت تمام افراد 5 سے 10 منٹ تک لفٹ میں پھنسے رہے تاہم تمام افراد لفٹ میں محفوظ رہے۔
میئر کراچی مرتضیٰ وہاب ہیموفیلیا سوسائٹی ٹریٹمنٹ سینٹر کا افتتاح کرنے عباسی شہید اسپتال پہنچے تھے۔
