پاکستانی گلوکار مجھ سے جلتے ہیں، چاہت فتح علی خان

کراچی: اپنی انوکھی گلوکاری کے انداز سے سوشل میڈیا پر تیزی سے مشہور ہونے والے گلوکار چاہت فتح علی خان کا کہنا ہے کہ پاکستانی گلوکار ان سے جلتے ہیں۔
چاہت فتح علی خان کی ایک ویڈیو وائرل ہورہی ہے، جس میں انہوں نے اپنی گلوکاری کے حوالے سے بات کی۔
چاہت فتح علی نے کہا کہ مجھے خود سمجھ نہیں آرہا بھارت کے جو لیجنڈ گلوکار ہیں، جو پروڈیوسر اور ہدایت کار ہیں وہ میری تعریف کررہے ہیں لیکن پتا نہیں کیوں پاکستانی گلوکار، موسیقار اور اینکرز میری تعریف نہیں کررہے۔
انہوں نے کہا کہ خدارا ایسا نہ کریں، خوش رہیں، بس اپنے کام پر رہیں، جیسے میں کام کررہا ہوں، میں نے ڈھائی سال میں 48 گانوں کے ٹریک ریلیز کردیے ہیں اور ابھی مزید 5 گانوں کے ٹریک آنے والے ہیں۔
چاہت فتح علی خان کا کہنا تھا کہ اپنے کام پر رہنے میں زیادہ مزا ہے، اگر آپ کسی کے خلاف بات کرتے اور جلتے ہیں تو یہ آپ کی صحت کے لیے اچھا نہیں، اس لیے خوش رہیں اور خوش رکھیں۔