لاہور: ماضی میں کئی تنازعات کا شکار رہنے والی اداکارہ وینا ملک کا کہنا ہے کہ دنیا بھر سے انہیں 70 ہزار سے زائد شادی کی پیشکشیں ہوئیں۔
وینا ملک نے ایک پوڈ کاسٹ میں بتایا کہ جس وقت میں نے اپنا کیریئر شروع کیا وہ وقت میرے لیے رولر کوسٹر کی سواری جیسا تھا، میرے کیریئر کے آغاز کے 10 سال بڑے مصروف گزرے، میں اتنی مصروف تھی کہ میرے پاس میک اپ اتارنے کا وقت بھی نہیں تھا، میری بڑی بہن میرا میک اپ اتارتی تھی اور مجھے اپنے ہاتھ سے کھانا کھلاتی تھی۔
وینا ملک نے بتایا کہ مجھے کیریئر کے عروج پر اور بھارت میں رئیلٹی شو کے دوران دنیا بھر سے شادی کی پیشکشبئ موصول ہوئیں، لیکن مجھے نہیں پتا تھا کہ یہ پیشکش کہاں سے آئیں اور کن لوگوں نے کیں، کیونکہ میں ان سے براہ راست رابطے میں نہیں تھی۔
وینا کے مطابق بھارت میں ویڈنگ رئیلٹی شو کے دوران مجھے میری ٹیم نے بتایا کہ انہیں میرے لیے 70 ہزار سے زائد شادی کی پیشکشیں آئی ہیں، یہ آفرز پاکستان اور بھارت سمیت دنیا بھر سے آئی تھیں، لیکن میں یہ نہیں جانتی وہ آفرز سچی تھیں یا ایسے ہی لوگوں نے شہرت اور شو سمجھ کر پیشکش کی تھی۔
خیال رہے کہ وینا ملک پاکستان سمیت بولی وُڈ میں بھی کام کرچکی ہیں، 2010 میں وینا ملک بھارت گئی تھیں اور انہوں نے کئی سال بھارت میں ہی گزارے تھے۔
اس دوران وینا نے بھارتی رئیلٹی شو بگ باس اور ویڈنگ رئیلٹی شو میں بھی کام کیا، وینا ملک متعدد بولی وُڈ فلموں میں اداکاری کے جوہر دکھاچکی ہیں، تاہم 2014 میں وہ دبئی منتقل ہوگئی تھیں۔
