پشاور: خیبر پختونخوا کے وزیراعلیٰ علی امین گنڈاپور کا قیمتی سامان کے پی ہاؤس اسلام آباد سے غائب ہونے کا انکشاف۔
سی ایم ہاؤس ذرائع کے مطابق ڈی چوک احتجاج کے دوران وزیراعلیٰ خیبر پختونخوا کا قیمتی سامان کے پی ہاؤس اسلام آباد سے غائب ہوگیا، جس میں علی امین گنڈاپور کے 2 آئی فون 15 پرو میکس بھی شامل تھے۔
غائب ہونے والے دوسرے سامان میں وزیراعلیٰ کا پرس، دستاویزات، لائسنس یافتہ اسلحہ بھی شامل ہے۔ موبائل فون گم ہونے سے اہم رابطہ نمبر بھی چلے گئے، جس سے وزیراعلیٰ پختونخوا پریشان ہیں اور انہوں نے میٹنگ میں ارکان اسمبلی سے اس پریشانی کا اظہار کرتے ہوئے فون نمبرز بھی مانگے ہیں۔
ذرائع کا کہنا ہے کہ وزیراعلیٰ کے 2 موبائل فون، دستاویزات، نقدی، کپڑے اور لائسنس یافتہ اسلحہ کے پی ہاؤس سے کوئی اُٹھا کر لے گیا ہے۔
