لاہور: بین الاقوامی شہرت یافتہ گلوکار اور اداکار علی ظفر نے چمکتی جلد کا راز پوچھنے والے مداح کو دلچسپ جواب دے ڈالا۔
گلوکار علی ظفرسے سوشل میڈیا پر ایک صارف نے سوال پوچھا کہ سب چھوڑو یہ بتاؤ کہ جلد پر اتنی چمک کیسے آتی ہے، اس پر انہوں نے جواب دیا کہ میں نے کبھی کوئی کریم استعمال نہیں کی۔
علی ظفر کا مزید کہنا تھا کہ جلد پر چمک کبھی بھی ان کریموں سے نہیں آتی جو لوگوں کو متوجہ کرنے کے لیے فیئرنیس اور گلو جیسے پُرکشش الفاظ استعمال کرتی ہیں۔ اصل چمک اندر سے آتی ہے۔
گلوکار نے کہا کہ اچھا سوچو، نیت صاف رکھو، اچھا کھاؤ پیو، روح کو پاک رکھو، غیبت مت کرو، وزرش کرو اور ہاں ماں باپ کی خدمت کرو، سب چمک جائے گا۔ علی ظفر کی پوسٹ کو ہزاروں افراد نے لائیک کیا۔