دبئی: کرکٹر شعیب ملک اور گلوکار و اداکار علی ظفر کے بعد پاکستان کے سپراسٹار ہمایوں سعید کو بھی دبئی کا گولڈن ویزا مل گیا۔
ہمایوں سعید نے یہ خبر سوشل میڈیا پر شیئر کرتے ہوئے متحدہ عرب امارات کی جانب سے گولڈن ویزا ملنے کو اپنے لیے اعزاز قرار دیا۔
ہمایوں سعید نے کہا دبئی کے لوگوں نے ہمیشہ مجھ سے اور میرے کام سے جو محبت کی ہے اس کا شکر گزار ہوں۔ انہوں نے مزید کہا وہ اور ان کے اہل خانہ ہمیشہ سے دبئی سے محبت کرتے ہیں اور دبئی میں گزاری گئی چھٹیوں سے لطف اندوز ہوتے ہیں۔
ہمایوں سعید نے دبئی کی حکومت اور خاص طور پر دبئی فلم اور ٹی وی کمیشن کا بھی شکریہ ادا کیا۔
واضح رہے کہ ہمایوں سعید سے قبل پاکستان کے مایہ ناز کرکٹر شعیب ملک اور اداکار و گلوکار علی ظفر کو بھی دبئی کا گولڈن ویزا ملا تھا۔ واضح رہے شعیب ملک گولڈن ویزا حاصل کرنے والے پہلے پاکستانی تھے۔