وفاقی کابینہ نے سعودی عرب سے 3 ارب ڈالرز کے ذخائر اسٹیٹ بینک میں رکھنے کے معاہدے کی منظوری دے دی، کابینہ نے سرکولیشن سمری کے ذریعے معاہدے کی منظوری دی ہے۔
3 ارب سعودی ڈالر اسی ہفتے منتقلی کیلئے معاملات طے پاگئے، سعودی عرب کیلئے براہ راست پروازیں بھی شروع ہوں گی، وزیر اطلاعات
سعودی حکومت نے 3 ارب ڈالر اسٹیٹ بینک کے ذخائر میں رکھنے کا وعدہ کیا تھا۔
ذرائع نے بتایا ہے کہ معاہدے کے متن کے مطابق سعودی عرب کے 3 ارب ڈالر اسٹیٹ بینک میں 1 سال کے لیے جمع رہیں گے۔
ذرائع کا کہنا ہے کہ پاکستان اس رقم پر سعودی عرب کی حکومت کو سالانہ 4 فیصد منافع ادا کرے گا۔
ہمارا مسئلہ مہنگائی، لوگ پس گئے، IMF معاہدے کے بعد نیا ٹیکس لگائیں گے نہ بڑھائیں گے، استثنیٰ ختم کریں گے، فائدہ عوام کو ہوگا، مشیر خزانہ
ذرائع کے مطابق سعودی حکومت سے معاہدے کا ڈرافٹ وزارتِ قانون اور اٹارنی جنرل آفس کو بھجوایا گیا ہے۔
وزارتِ قانون اور اٹارنی جنرل آفس نے معاہدے کے ڈرافٹ پر اتفاق کیا ہے۔
ذرائع کا یہ بھی کہنا ہے کہ قانونی رائے کے بعد معاہدے کی کاپی وفاقی کابینہ کو منظوری کے لیے بھجوائی گئی تھی۔
وفاقی کابینہ نے سعودی ڈیولپمنٹ فنڈ سے ملنے والے 3 ارب ڈالر اسٹیٹ بینک میں رکھنے کی منظوری دے دی۔
