امریکا سمیت دنیا بھر میں تفریحی شعبےکی سب سے بڑی کمپنی ڈزنی کا کہنا ہے کہ وہ غیراساسی نوعیت کے ملازمین کو 19 اپریل کے بعد فارغ کردے گی۔
ڈزنی لینڈ کی جانب سے متوقع طور پرفارغ کیے جانے والے ملازمین کی تعداد بیان نہیں کی گئی اور یہ بھی واضح نہیں کیا کہ کون کون سے سیکشن کے ملازمین کو فارغ کیا جائے گا۔ ڈزنی کمپنی نے 12 مارچ کو کورونا کےپھیلنے کےخطرے کے پیش نظرفرانس اور امریکا میں اپنےتفریحی پارک بند کرنے کا اعلان کیا تھا جبکہ دیگر ممالک میں ڈزنی لینڈ کے تمام پارکس بند کردئیے گئے ہیں۔امریکی ریاست فلوریڈا میں قائم ‘ڈزنی ورلڈ’ دنیا کا سب سے بڑا تفریحی اور سیاحتی مرکز ہے جہاں سال 2018ء میں 21 ملین سیاح آئے جبکہ لاس اینجلس میں قائم ڈیزنی لینڈ میں آنے والے سیاحوں کی تعداد 18 اعشاریہ 7 ملین تھی۔ غیر ملکی میڈیا کے مطابق ڈیزنی کمپنی کے12 تفریحی مراکز، ان میں قائم ہوٹلوں اور سمندری سیاحتی مراکزمیں 1 لاکھ 22 ہزار افراد ملازمت کرتے ہیں۔