کراچی:پاکستان سپر لیگ کے چھٹے ایڈیشن میں اپنی عمدہ پرفارمنس سے خود کو منوانے والے ملتان سلطان کے فاسٹ بولر شاہنواز دھانی نے جہاں اپنے ٹیلنٹ سے سب کو اپنا گرویدہ کرلیا تو وہیں اب اُن کے چھوٹے بھائی نے سابق کپتان شاہد آفریدی کو مُتاثر کردیا ہے۔
شاہد آفریدی نے سماجی رابطے کی ویب سائٹ ٹوئٹر پر ایک ویڈیو کلپ شیئر کیا جس میں دیکھا جاسکتا ہے کہ شاہنواز دھانی کے چھوٹے بھائی نیٹ میں عمدہ بولنگ کررہے ہیں۔
Really impressed by this young fast bowler who is brother of Shahnawaz Dahani, serious bowling talent in the family! There is real cricket talent in interior Sindh, ideally players shouldn't need to travel to Karachi, we need to produce quality facilities across interior Sindh. pic.twitter.com/E8y8okY4Bx
— Shahid Afridi (@SAfridiOfficial) July 8, 2021
سابق کپتان نے ویڈیو شیئر کرتے ہوئے اپنے ٹوئٹ میں لکھا کہ ’واقعی! میں اس نوجوان فاسٹ بالرسے بہت متاثر ہوا ہوں جو کہ شاہنواز دھانی کا بھائی ہے۔‘
اُنہوں نے لکھا کہ ’شاہنواز دھانی کی فیملی میں عمدہ بولنگ کرنے کا ٹیلنٹ موجود ہے۔‘
شاہد آفریدی نے لکھا کہ ’اندرون سندھ میں کرکٹ کا حقیقی ہنر ہے اور اب کھلاڑیوں کو کرکٹ کے لیے کراچی کا رُخ کرنے کی ضرورت بھی نہیں ہے۔‘
سابق کپتان نے مزید لکھا کہ ’ہمیں سندھ بھر میں نوجوان کرکٹرز کے لیے معیاری سہولیات فراہم کرنے کی ضرورت ہے۔