پاکستان نژاد برطانوی اداکار رز احمد کا نیا اعزاز، آسکر کے ریڈ کارپٹ کی انوکھی داستان

انٹرٹینمنٹدلچسپ خبر
ویب ڈیسک کے ذریعہ  

ماضی میں زلف و رخسار اور گل و بلبل کی داستانیں زباں زدِ خاص و عام تھیں، لیکن اب یہ تمام باتیں متروک ہوچکی ہیں۔ یہ بات اگرچہ درست ہے کہ موجودہ دور میں زلفوں کی باتیں کلاسک لگتی ہیں اور اب شاذ ہی یہ لفظ سننے میں آتا ہے لیکن گزشتہ روز آسکر ایوارڈ کے ریڈ کارپٹ پر پاکستانی نژاد برطانوی اداکار رز احمد نے اپنی شریک زندگی فاطمہ فرحین مرزا کی زلفیں کیا سنواریں، موقع پر موجود افراد سے لے کر دنیا بھر میں رز احمد کے اپنی بیگم کی زلفیں سنوارنے کا چرچا ہو رہا ہے۔

رز احمد اکیڈمی ایوارد کا 93واں ایوارڈ تو حاصل نہ کرسکے تاہم انہوں نے فاطمہ فرحین مرزا کی زلفیں سنوار کر دنیا بھر کے میڈیا اور سوشل میڈیا پر پسندیدگی کے باعث بہترین شوہر کا اعزاز ضرور حاصل کرلیا ہے۔ رز احمد کو ان کی فلم ’ساؤنڈ آف میٹل‘میں بہترین اداکاری پر اکیڈمی ایوارڈ کے لیے نامزد کیا گیا تھا۔

بین الاقوامی شہرت یافتہ ورائٹی میگزین نے لکھا کہ رز احمد نے اپنی بیوی فاطمہ فرحین مرزا کے بال سنوارنے کے لیے آسکرز کے ریڈ کارپٹ کو کچھ دیر کے لیے روک دیا

دی سن، ڈیلی میل اور دیگر برطانوی اخبارات نے رز احمد اور ان کی بیوی سے متعلق مضامین شائع کیے ہیں۔ روزنامہ انڈیپینڈنٹ نے لکھا کہ ’رز احمد نے آسکرز کے ریڈ کارپٹ پر اپنی شریک فاطمہ فرحین مرزا کے بال سنوارے۔

اینٹرٹینمنٹ ٹو نائٹ نے لکھا کہ رز احمد کے آسکرز ریڈ کارپٹ کے موقع پر اپنی شریک حیات فاطمہ فرحین مرزا کے بال سنوارنے کے لیے رکنا ہی واحد ایوارڈ تھا جو ہمیں چاہیے تھا۔

ٹویٹر کی ایک صارف نینسی وینگ یوان نے بھی اپنی پوسٹ میں لکھا، ’میں چاہتی ہوں کہ کوئی میری طرف بھی اس طرح دیکھے جیسے بہترین اداکار کے لیے نامزد رز احمد اپنی بیوی فاطمہ فرحین مرزا کی طرف دیکھتے ہیں۔‘

اس سالبہترین اداکار کا آسکرایوارڈ اینتھونی ہوپکنز لے اڑے لیکن رز احمد نے اس طرح تاریخ ضرور رقم کی کہ وہ بہترین اداکار کے ایوارڈ کے لیے نامزد پہلے مسلم اداکار تھے۔ پاکستانی نژاد برطانوی اداکار رز احمد کا تعلق پاکستان سے ہے۔

رز احمد کی اہلیہ فاطمہ فرحین مرزا ایک بیسٹ سیلنگ امریکی ناول نگار ہیں جن کا 2018 میں شائع ہونے والا پہلا ناول ’اے پلیس فار اس‘ نیو یارک ٹائمز کی بیسٹ سیلنگ لسٹ میں آ گیا تھا۔

فاطمہ فرحین اور رز احمد

پڑھنا جاری رکھیں
ویب ڈیسک 231 پوسٹس 0 تبصرے
شاید آپ یہ بھی پسند کریں مصنف سے مزید  

جواب شامل کریں

آپ کا ای میل ایڈریس شائع نہیں کیا جائے گا۔