کراچی: انگلینڈ کی کرکٹ ٹیم جنوری 2021 میں پاکستان کا دورہ کرسکتی ہے۔
برطانیہ کے ایک اخبار نے انگلش کرکٹ ٹیم کے جنوری 2021 میں پاکستان کے دورہ کا انکشاف کیا ہے۔ رپورٹ کے مطابق دونوں بورڈز میں 3 ٹی ٹوئنٹی میچز کے حوالے سے بات چیت جاری ہے، انگلش ٹیم کا یہ 15 سال بعد پہلا دورہ پاکستان ہوگا۔
یاد رہے کہ کورونا کے باوجود پاکستانی ٹیم رواں برس انگلینڈ گئی تھی اور انگلش بورڈ جوابی دورے سے یہ احسان چکانا چاہتا ہے۔
