اسلام آباد: ارض پاک میں کورونا وائرس میں مبتلا افراد کی تعداد تیزی سے بڑھ رہی ہے، 24 گھنٹوں کے دوران مزید 4 افراد جاں بحق ہو گئے جس کے بعد ملک بھر میں ہلاکتوں کی تعداد 41 ہو گئی جبکہ متاثرہ افراد 2818 ہیں۔
سرکاری اعداد و شمار کے مطابق سندھ میں 839، پنجاب میں 1072، خیبرپختونخوا میں 343، گلگت بلتستان میں 193، بلوچستان میں 175، اسلام آباد میں 75، آزاد کشمیر میں 11 افراد اس عالمی وبا سے متاثر ہوئے جبکہ ملک بھر میں 131 افراد صحت یاب ہوچکے ہیں۔
اب تک کورونا وائرس سے سندھ میں 14 افراد جاں بحق ہوچکے ہیں جب کہ پنجاب میں اس سے 11 ،، خیبرپختونخوا 11، گلگت بلتستان 3 اور بلوچستان میں ایک شخص جاں بحق ہوچکا ۔ پنجاب کے ضلع لاہور میں 4، راولپنڈی 3 جبکہ رحیم یار خان اور فیصل آباد میں ایک ایک ہلاکت ہوئی ہے۔ سندھ میں تمام ہلاکتیں کراچی میں ہوئیں۔
