کراچی سندھ ایکشن کمیٹی کے اہم رہنمائون نے الزام عائد کیا ہے کہ چھہ جون کو بحریہ ٹائون کے سامنے ایکشن کمیٹی کے دھرنے کے دوران فسادات کرانے کی سازش کی گئی تھی، جس مین پیپلز پارٹی اور ایم کیو ایم دونوں شریک تھیں. کراچی پریس کلب میں پریس کانفرنس سے خطاب کرتے ہوئے ایکشن کمیٹی کے اہم رہنمائوں سابق ڈپٹی اسپیکر جلال محمود شاہ، ڈاکٹر قادر مگسی، ریاض چانڈیو، اور دیگر نے کہا کہ چھہ جون کو ہنگامہ آرائی کے بعد وہ حیدرآباد روانہ ہوگئے تھے اگر کراچی میں پریس کانفرنس کرنے آتے تو فسادات کا خدشہ تھا، پیپلز پارٹی اور ایم کیو ایم دونوں لسانی بنیادوں پر لوگوں کو لڑوانا چاہتی ہیں اس لئے ہم نے اس فساد کو روکنے کی کوشش کی. دوسری جانب انسداد دہشت گردی کی عدالت نے جلام محمود شاہ، قادر مگسی، ریاض چانڈیو اور دیگر رہنمائوں کی پچیس پچیس ہزار روپے کے عوض عبوری ضمانت منظور کر لی.
