کراچی: نیشنل پارٹی کے راہ نما اور سینئرسیاست داں میرحاصل بزنجو طویل علالت کے بعد انتقال کرگئے۔
تفصیلات کے مطابق بلوچستان سے تعلق رکھنے والے سینیٹر میرحاصل بزنجو طویل علالت کے بعد کراچی میں انتقال کرگئے، وہ پھیپھڑوں کے سرطان میں مبتلا تھے۔
62 سالہ میرحاصل بزنجو پاکستان کے ممتاز سیاسی رہنما ور سابق گورنر بلوچستان میرغوث بخش بزنجو کے صاحبزادے تھے۔
خاندانی ذرائع کے مطابق آج صبح طبعیت کی خرابی کے باعث انہیں اسپتال میں داخل کیا گیا تھا تاہم وہ جانبر نہ ہوسکے۔
ان کی تدفین ان کے آبائی علاقے ضلع خضدار نال میں کی جائے گی۔
