لزبن: فٹ بال لیجنڈ کرسٹیانو رونالڈو نے اپنی گرل فرینڈ جارجینا روڈریگز کو شادی کی پیشکش کردی، جواب میں منگیتر کی جانب سے ہاں کردی گئی۔
31 سالہ ہسپانوی ماڈل جارجینا نے انسٹاگرام پر انگوٹھی پہنے اپنے اور رونالڈو کے ہاتھ کی تصویر شیئر کی۔
جارجینا نے اس پوسٹ میں لکھا میں ہاں کرتی ہوں، اس زندگی میں بھی اور اپنی تمام زندگیوں میں بھی۔
غیر ملکی خبر ایجنسی کے مطابق کرسٹیانو رونالڈو نے جارجینا کو اوول کٹ ڈائمنڈ انگوٹھی کے ساتھ پروپوز کیا جس کی مالیت 4 ملین امریکی ڈالر سے زیادہ بتائی جارہی ہے۔
دھیان رہے کہ یہ پہلا موقع نہیں، جب جارجینا روڈریگز کی جانب سے انگوٹھی کی تصویر سوشل میڈیا پر پوسٹ کی گئی ہے۔
اس سے قبل بھی انہوں نے متعدد بار انگوٹھی کی تصاویر کے ساتھ مبہم کیپشن شیئر کیے ہیں، جس کے سبب ان دونوں کی منگنی کی خبریں گردش کرنے لگی تھیں۔
میڈیا رپورٹس کے مطابق کرسٹیانو رونالڈو نے 2020 میں جارجینا روڈریگز کو معروف برانڈ کارٹیئر کی انگوٹھی دی تھی، جس کی قیمت قریباً 6 سو 15 ہزار پاؤنڈز ہے۔
کرسٹیانو رونالڈو اور ان کی گرل فرینڈ جارجینا 2016 سے ایک ساتھ ہیں، ان دونوں کی 2 بیٹیاں جن میں 7 سالہ عالیانہ اور 2 سالہ بیلا بھی ہیں جب کہ رونالڈو کے مجموعی طور پر 5 بچے ہیں۔