کراچی۔وفاقی وزیر برائے اطلاعات و نشریات چوہدری فواد حسین نے اتوار کو آرٹس کونسل آف پاکستان کراچی کا دورہ کیا۔ وفاقی وزیر کو صدر آرٹس کونسل محمد احمد شاہ نے گورننگ باڈی کے اراکین بشمول نائب صدر منورسعید،سیکریٹری اعجاز احمد فاروقی، کاشف گرامی کے ہمراہ خوش آمدید کہا۔صدر آرٹس کونسل نے وفاقی وزیر کو پھولوں کا گلدستہ پیش کیا۔ چوہدری فواد حسین نے آرٹس کونسل کے باغیچے میں پودابھی لگایا۔وفاقی وزیر نے آرٹس کونسل کے اوپن ائیر تھیٹر،اے سی آڈیٹوریم، ویڑول اسٹوڈیو، لائبریری سمیت مختلف حصوں کا دورہ کیا۔
