سونے کی قیمتوں میں پھر سے اضافہ

ملک میں سونے کی فی تولہ قیمت 1500 روپے اضافے کے بعد ایک لاکھ 13 ہزار 750 روپے ہوگئی جبکہ 10 گرام سونے کی قیمت 1329 روپے اضافے کے بعد 97 ہزار 522 روپے ہوگئی۔خیال رہے کہ ہفتے کے روز سونے کی فی تولہ قیمت میں 450 روپے کمی کے بعد ایک لاکھ 11 ہزار 650 روپے ہوگئی تھی جبکہ دس گرام سونے کی قیمت 369 روپے کمی کے بعد 95 ہزار 721 روپے ہوگئی تھی۔چیئرمین آل پاکستان مینوفیکچررز ویلفیئر ایسوسی ایشن کے مطابق عالمی مارکیٹ میں سونے کی قیمت 16 ڈالر اضافے کے بعد 1916 ڈالر فی اونس پر ٹریڈنگ ہوئی۔واضح رہے کہ گزشتہ روز بھی سونے کی قدر میں 700 روپے فی تولہ اضافہ ہوا تھا جس کے بعد فی تولہ سونے کی قیمت ایک لاکھ 12 ہزار 500 روپے ہوگئی تھی، جبکہ دس گرام سونے کی قیمت 600 روپے اضافے سے 96 ہزار 450 روپے ہوگئی تھی۔