دبئی : پاکستان انٹر نیشنل ائیرلائن (پی آئی اے) کے جنرل منیجر مشرق وسطی شاہد مغل کاکہنا ہے کہ دبئی میں پھنسے پاکستانیوں کے لیے پاکستان ائیر لائن فلائٹ ڈیسک قائم کررہی ہے، جس میں 11پروازوں کا انتظام کیاگیاہے۔
تفصیلات کے مطابق جی ایم پی آئی اےشاہد مغل نےکہا کہ دبئی میں پھنسے پاکستانیوں کو واپس لانے کے لیے پی آئی اے کی فلائٹ ڈیسک کل سے قونصل خانے میں ٹکٹ کے اجراکرے گی،فلائٹ ڈیسک رجسٹرڈ پاکستانیوں کو فون کرکے قونصل خانے بلائے گی، جہاں سے پاکستانی صبح 9بجے سے شام5 بجے تک واپسی کا ٹکٹ خریدسکتے ہیں۔انہوں نے مزید کہا کہ پہلے مرحلے میں 2ہزار سے زائد پاکستانی وطن واپس لوٹیں گے،فلائٹس 19اور 20اپریل کو دبئی سے پاکستانیوں کو لے کر وطن پہنچیں گی،3فلائٹس اسلام آباد ، 2کراچی اور 2لاہور جائیں گی،جبکہ دبئی سے 2پروازیں فیصل آباد اور 2ملتان جائیں گی۔