صوبہ سندھ کے دارالحکومت کراچی میں گرمی کی لہر برقرار ہے۔محکمہ موسمیات کے مطابق شہر قائد آئندہ تین روز تک ہیٹ ویو کے زیر اثر رہے گا۔محکمہ موسمیات کی جانب سے شہر قائد میں درجہ حرارت 40 سے 41 ڈگری سینٹی گریڈ تک جانے کا امکان ظاہر کیا گیا ہے۔خیال رہے کہ دو روز قبل محکمہ موسمیات نے سندھ میں ہیٹ ویو اور ملک کے دیگر علاقوں میں گرمی کی پہلی لہر کی پیشن گوئی کی تھی۔پی ڈی ایم اے کی جانب سے ہدایت کی گئی تھی کہ انسانی جانوں کو محفوظ رکھنے کے لیے تمام ضروری احتیاطی اقدامات اٹھائے جائیں اور سڑکوں پر پانی کی سبیلیں و ہیٹ ویو کے حوالے سے کیمپ لگائے جائیں۔
