لاہور: پنجاب کے وزیر تعلیم ڈاکٹر مراد راس کورونا وائرس میں مبتلا ہوگئے۔تفصِلات کے مطابق مراد راس نے سوشل میڈیا پلیٹ فارم ٹوئٹر پر کورونا ٹیسٹ مثبت آنے کی تصدیق کی ہے۔انہوں نے کہا کہ گزشتہ چند روز کے دوران جو لوگ مجھ سے ملے وہ بھی اپنا ٹیسٹ کرا لیں۔انہوں نے ٹویٹ کے آخر میں دعائیہ کلمات بھی تحریر کیے کہ اللہ تعالیٰ آپ سب کی حفاظت فرمائیں۔
واضح رہے کہ ملک میں اب تک کئی سیاسی شخصیات سمیت مختلف شعبہ زندگی سے تعلق رکھنے والی شخصیات کورونا میں مبتلا ہوچکی ہیں۔