مسز ورلڈ 2021ء کو سری لنکا میں گرفتار کرلیا گیا

سری لنکن پولیس ترجمان کے مطابق پولیس کو ڈی سلوا کی جانب سے شکایت موصول ہوئی تھی کہ دوران تقریب زبردستی سر سے تاج اتارے جانے کے دوران وہ زخمی ہوگئی تھیں۔

اتوار کو ہونے والی تقریب میں پشپیکا ڈی سلوا کو مسز سری لنکا کے خطاب سے نوازا گیا تھا تاہم کچھ ہی دیر بعد 2019 کی فاتح کیرولین جیوری نے یہ دعویٰ کرتے ہوئے پشپیکا کا تاج اتاردیا کہ پشپیکا چونکہ طلاق یافتہ ہیں لہٰذا وہ اس اعزاز کی حق دار نہیں ہیں۔

اس الزام کے بعد جیوری نے مسز سری لنکا کا تاج رنر اپ خاتون کے سر پر سجا دیا تھا۔

منتظمین نے پشپیکا سے معافی مانگتے ہوئے انہیں تاج واپس کر دیا اور تصدیق کی کہ پشپیکا طلاق یافتہ نہیں بلکہ شوہر سے علیحدگی اختیار کیے ہوئے ہیں۔