کورونا کے باعث ریسٹورنٹس میں ڈائن ان پر عائد پابندی ختم کر دی گئی ہے۔تفصیلات کے مطابق ریسٹورنٹس کے اندر بیٹھ کر کھانا کھانے کی اجازت دے دی گئی ہے۔پابندی اُٹھانے کا فیصلہ این سی او سی کے اجلاس میں ہوا جس کے مطابق یکم جولائی سے ہوٹلز اور ریسٹورنٹس میں ان ڈور بیٹھ کر کھانا کھانے کی اجازت ہو گی۔خیال رہے کہ اس سے پہلے ین سی اوسی نے 30 مئی سے پارکس اور تفریحی مقامات کھولنے کا اعلان بھی کیا تھا۔
دوسری جانب وفاقی وزیر برائے منصوبہ بندی و این سی او سی کے سربراہ اسد عمر نے ملک میں آئندہ ماہ عالمی وبا کورونا وائرس کی چوتھی لہر کا خدشہ ظاہر کیا ہے۔
انہوں نےس سوشل میڈیا سائٹ ٹوئٹر پر جاری بیان میں کہا کہ پاکستان میں جولائی میں کورونا کی چوتھی لہر آسکتی ہے۔
اسد عمر نے کہا کہ این سی او سی میں کورونا کا آرٹیفیشل انٹیلی جنس کی بنیاد پر جائزہ لیا گیا، ایس او پیز پر عمل نہ کرنے سے کورونا بڑھے گا۔
وفاقی وزیر نے کہا کہ مضبوط ویکسی نیشن پروگرام جاری نہ رہنے کی صورت میں کورونا کی چوتھی لہرکا خطرہ ہے۔
انہوں نے کہا کہ شہری کورونا ایس او پیز پر عمل کریں، جتنا جلد ممکن ہو ویکسی نیشن کروائیں۔