یکم مارچ سے پٹرولیم مصنوعات کی قیمتوں میں اضافے کا امکان

اسلام آباد: یکم مارچ سے پٹرولیم مصنوعات مہنگی ہونے کا امکان ہے۔
ذرائع کے مطابق یکم مارچ سے آئندہ 15 روز کے لیے پٹرول 4 روپے 58 پیسے فی لیٹر مہنگا ہوسکتا ہے، اس کے علاوہ ڈیزل 4 روپے 73 پیسے فی لیٹر تک مہنگا ہونے کا امکان ہے۔
ذرائع نے بتایا کہ مٹی کا تیل 6 روپے 88 پیسے فی لیٹر مہنگا ہونے کا امکان ہے اور لائٹ ڈیزل آئل 5 روپے فی لیٹر مہنگا ہوسکتا ہے۔
خیال رہے کہ رواں ماہ کے وسط میں بھی ملک میں پٹرولیم مصنوعات کی قیمتوں میں بڑا اضافہ دیکھنے میں آیا تھا۔