کراچی: نئی میگا فلم عمرو عیار: اے نیو بیگننگ کی پہلی جھلک مداحوں کے لیے پیش کردی گئی۔
اداکارہ صنم سعید نے اپنے انسٹاگرام پر ایک پوسٹر شیئر کیا ہے جس میں جنگجو کے لباس اور اسلحے کے ساتھ وہ بالکل منفرد نظر آرہی ہیں۔
فلم کی پہلی جھلک سامنے آتے ہی صنم سعید کی ساتھی فنکاروں سائرہ یوسف، فریحہ الطاف، ثروت اور علی کاظمی نے خوشی کا اظہار کرتے ہوئے مبارک باد دی ہے۔
عمرو عیار پاکستان کی پہلی اردو کامک بک ٹی وی کہانی ہے جس سے فلم بنائی جارہی ہے اور اس کی ریلیز کے حوالے سے تاریخ سامنے نہیں آئی ہے۔
میگا کاسٹ فلم میں صنم سعید کے ساتھ عثمان مختار، فاران طاہر، علی کاظمی، عدنان صدیقی، سیمی راحیل، ثنا فخر، منظر صہبائی اور دیگر شامل ہیں۔