یہ سال فٹبال میں آخری، یادگار ورثے کیساتھ الوداع کہنا چاہتا ہوں، کرسٹیانو رونالڈو

لزبن: دُنیائے فٹ بال کے سپر اسٹار کرسٹیانو رونالڈو نے عندیہ دیا ہے کہ موجودہ سیزن ان کے شاندار کیریئر کا آخری سیزن ثابت ہوسکتا ہے۔
رونالڈو نے ایک انٹرویو میں کہا کہ یہ ممکنہ طور پر فٹ بال میں ان کا آخری سال ہے اور وہ کھیل کو ایک یادگار ورثے کے ساتھ الوداع کہنا چاہتے ہیں۔
پانچ مرتبہ بیلن ڈی اور جیتنے والے رونالڈو انگلینڈ، اسپین، اٹلی اور سعودی عرب میں لیگ ٹائٹلز اپنے نام کرچکے ہیں جب کہ وہ بین الاقوامی فٹ بال میں سب سے زیادہ گول کرنے والے کھلاڑی بھی ہیں۔
پرتگالی کپتان گزشتہ قریباً چار برس سے سعودی کلب النصر کا حصہ ہیں اور ان کے معاہدے میں ابھی ایک سال باقی ہے۔
رونالڈو نے کہا کہ فٹ بال سے دُوری کے بعد وہ سفر، خاندان اور پیڈل جیسے کھیلوں میں وقت گزارنے سمیت زندگی کے مختلف پہلوؤں سے لطف اندوز ہونا چاہتے ہیں۔
خیال رہے کہ 41 سالہ رونالڈو نے چند روز قبل ہی میں اپنی دیرینہ ساتھی جارجینا روڈریگز سے شادی کی ہے جن سے ان کے پانچ بچے بھی ہیں۔
رونالڈو اپنے کیریئر کے 1000 گول مکمل کرنے سے صرف 24 گول دور ہیں۔
دوسری جانب ان کے دیرینہ حریف لیونل میسی بھی اپنے مستقبل کے حوالے سے غیر یقینی کا اظہار کرچکے ہیں۔