شین وارن کی ورلڈ الیون میں وسیم اور شعیب اختر کی شمولیت

سڈنی: شین وارن کی آل ٹائم ورلڈ الیون میںگو اُن کے ملک کا ایک بھی کھلاڑی جگہ نہیں بناسکا، تاہم 2 پاکستانی کھلاڑی وسیم اکرم اور شعیب اختر ضرور اس میں شامل ہیں۔
سابق آسٹریلوی اسٹار اسپنر نے بھارتی اوپنر وریندر سہواگ اور سچن ٹنڈولکر کو بھی اس میں جگہ دی ہے، سوشل میڈیا پر لائیو سیشن میں وارن نے اپنے ساتھ کھیلنے والے کھلاڑیوں میں سے ٹیم منتخب کی، وکٹ کیپنگ میں وارن نے دھونی پر کمار سنگاکارا کو ترجیح دی۔
بیسٹ ون ڈے الیون میں سہواگ، سنتھ جے سوریا، سچن ٹنڈولکر، برائن لارا، کیون پیٹرسن، کمار سنگاکارا، اینڈریو فلنٹوف، وسیم اکرم، ڈینئیل ویٹوری، شعیب اختر اورکرٹلی امبروز شامل ہیں۔