لاہور: پی سی بی نے رواں ماہ کے آخر میں آسٹریلیا کے خلاف لاہور میں ہونے والی وائٹ بال سیریز کے اوقات تبدیل کرنے کا فیصلہ کیا ہے۔
ذرائع کے مطابق میچز کے اوقات تبدیلی کرنے کے فیصلے کا جلد باضابطہ اعلان متوقع ہے، موسمی شدت کی وجہ سے اوقات تبدیل کیے جارہے ہیں۔
ذرائع کا کہنا ہے کہ ٹی ٹوئنٹی میچز سہ پہر 4 بجے شروع ہوں گے، میچز کا ٹاس سہ پہر ساڑھے 3 بجے ہوگا۔
پہلے شیڈول کے مطابق میچز کا آغاز 6 بجے ہونا تھا اور ٹاس ساڑھے پانچ بجے ہونا تھا۔
خیال رہے کہ پاکستان اور آسٹریلیا کے درمیان تین ٹی ٹوئنٹی میچز کی سیریز لاہور میں کھیلی جائے گی۔
ٹی ٹوئنٹی میچز 29 جنوری، 31 جنوری اور یکم فروری کو ہوں گے۔
یہ سیریز آئی سی سی مینز ٹی ٹوئنٹی ورلڈ کپ 2026 سے قبل دونوں ٹیموں کے لیے نہایت اہم قرار دی جارہی ہے، ورلڈ کپ میں پاکستان گروپ اے جب کہ آسٹریلیا گروپ بی میں شامل ہے۔