کراچی: صدر مملکت ڈاکٹر عارف علوی نے کراچی کے علاقے کورنگی میں قائم پناہ گاہ کا دورہ کیا، اور وہاں موجود بے گھر افراد کے ساتھ کھانا بھی تناول کیا۔
صدر مملکت نے پناہ گاہ پر عوامی خدمت کے انتظامات کا جائزہ لیا اور مزدوروں سے ملاقات کی۔
اندرون سندھ سے مزدوری تلاش کرنے والے اور قریب میں انڈس ہسپتال میں علاج کرانے والے بیمار اور انکی تیمارداری کرنے والے اس پناہگاہ میں قیام کرتے ہیں۔ بہترین کام ہے۔ اللہ اجر بھی دے گا اور جو رہ گئے ہیں انکی جواب پرسی بھی کرے گا۔ اللہ ہماری اور میری کوتاہیوں کو معاف کرے۔ آمین https://t.co/A3FdjYiv16
— Dr. Arif Alvi (@ArifAlvi) June 19, 2021
صدر مملکت پناہ گاہ میں مکین لوگوں کے ساتھ گھل مل گئے، کھانا کھایا اور ان سے انتظامات کے بارے پوچھا۔
ڈاکٹر عارف علوی سے پناہ گاہ کے مکینوں نے انتظامات پر اطمینان کا اظہار کیا اور حکومت کے عوامی فلاحی اقدام کو سراہا۔
عارف علوی نے کہا کہ پاکستان کو ریاستِ مدینہ جیسی فلاحی ریاست بنانے کیلئے غریب نواز پالیسی اپنانے کی ضرورت ہے، غریب اور نادار افراد کی مدد کے لیے بیت المال مزید اقدامات کرے۔