خزانے کے متلاشی کے ڈھائی کلوگرام سونا ہاتھ آگیا

آسٹریلیا: خزانے کی تلاش کا شوق پالنے والے فرد کی قسمت چمک اُٹھی اور اسے ڈھائی کلوگرام سونا مل گیا، جس پر وہ بے انتہا خوش ہے۔
آسٹریلیا میں وکٹوریا کے علاقے میں دکان دار ڈیرن کیمپ کو ایک شخص نے یہ پتھر دیا ہے جو سونے کے ذخیرے والی جگہوں پراپنی سی کوشش کررہے تھے۔ اس مقام کو ’سنہری تکون‘ (گولڈن ٹرائنگل) کہا جاتا ہے۔ دریافت کنندہ کے ہاتھ 4.6 کلوگرام وزنی ایک پتھر لگا جس میں جابجا سونے کے ٹکڑے چپکے تھے۔ اس طرح کل 2.6 کلوگرام سونا ان کے ہاتھ لگا ہے جس کی مالیت 160,000 امریکی ڈالر بنتی ہے۔
ڈیرن نے بتایا کہ سونے کی اتنی مقدار دیکھ کر وہ ہکا بکا رہ گئے اور یہ زندگی میں پہلی بار ہونے والا خوبصورت اتفاق ہے۔ سونے کے اس ڈلے کو ’لکی اسٹرایک نگٹ‘ کا نام دیا گیا ہے۔ تاہم جس شخص نے اسے دریافت کیا تھا وہ پہلے اس کا ایک ٹکڑا لے کر آیا تھا جو مٹی سے اٹا ہوا تھا۔ واضح رہے کہ ڈیرن سونے کی خریدوفروخت کا کام کرتے ہیں۔
نام ظاہر کرنے والے دریافت کنندہ نےبتایا کہ جب اس نے یہ پتھر دیکھا تھا تو انہیں کوئی امید نہ تھی لیکن اسے توڑا تو اندر سے پیلی دھات دکھائی دی۔ لیکن وہ خوشی میں اس کا ایک ہی حصہ اٹھالائے تاہم بعد میں دوسرا ٹکڑا بھی ساتھ لگایا گیا۔
دریافت کنندہ نے بتایا کہ اس نے مائن لیب کمپنی کا میٹل ڈٹیکٹر استعمال کیا تھا جس کی قیمت صرف 800 ڈالر ہے۔