کراچی: ڈپٹی چیئرمین سینیٹ سیدال خان ناصر گزشتہ روز خصوصی دورے پر کراچی پہنچے، نیشنل یوتھ اسمبلی سندھ کے گورنر اور وائس آف سندھ کے ڈپٹی پروجیکٹ ڈائریکٹر دانیال جیلانی نے اُن سے خصوصی ملاقات کی۔
ڈپٹی چیئرمین سینیٹ سیدال خان ناصر نے گورنر نیشنل یوتھ اسمبلی سندھ کی حیثیت سے دانیال جیلانی کے کردار کو سراہا اور اُن کے کام کی تعریف کی۔
ڈپٹی چیئرمین سینیٹ نے وائس آف سندھ کے لیے نیک خواہشات کا اظہار بھی کیا۔ سیدال خان ناصر کا کہنا تھا کہ وائس آف سندھ کا پلیٹ فارم ملک کا مثبت تاثر اُجاگر کرنے کے لیے کوشاں ہے، اس کی کاوشیں لائق تحسین ہیں۔