اسلام آباد: حکومت نے 3 جون سے 18 سال سے زائد عمر کے افراد کی کورونا ویکسی نیشن شروع کرنے کا اعلان کردیا اور کہا، اہل عمر کے افراد جلد از جلد رجسٹرڈ کروائیں۔
In today’s NCOC meeting it was decided to start scheduling vaccination of registered 18 plus from thursday the 3rd of june. With this step the vaccination of all eligible age groups would be carried out. Please register as soon as possible
— Asad Umar (@Asad_Umar) May 31, 2021
این سی او سی کے سربراہ اسد عمر نے سماجی رابطے کی ویب سائٹ ٹویٹر پر اپنے پیغام میں کہا کہ این سی او سی نے 18 سال سے زائد عمر کے افراد کی ویکسی نیشن 3 جون سے شروع کرنے کا فیصلہ کرلیا ہے، لہٰذا ویکسین کے اہل عمر کے افراد خود کو جلد از جلد رجسٹرڈ کروائیں۔
ایک اور ٹویٹ میں اسد عمر کا کہنا تھا کہ بھارت میں کورونا سے ہلاک ہونے والوں کی تعداد 236 فی ملین آبادی ہے، پاکستان میں یہ شرح 92 فی ملین ہے، اگر وہاں کی اموات کی شرح آبادی کے تناسب سے وہ ہو جو پاکستان کی ہے، تو بھارت میں 2 لاکھ اموات کم ہوتیں، اللہ کا شکر ادا کریں، حفاظتی تدابیر پرعمل کریں اور ویکسین لگوائیں۔