شارک کی تصویر لینے والی خاتون دونوں ہاتھ سے محروم ہوگئی

ٹورنٹو: دُنیا میں کچھ جاندار ایسے ہیں جو انسانوں کو خوف میں مبتلا کرکے بھاگنے پر مجبور کردیتے ہیں لیکن بعض لوگ ایسے موقع پر تصویر کھینچنا پسند کرتے اور نقصان اٹھاتے ہیں۔
ایسا ہی کچھ کینیڈین خاتون کے ساتھ ہوا جب پانی میں شارک کو دیکھ کر بھاگنے کے بجائے، وہ اس کی تصویر لینے لگیں اور اسی دوران شارک نے ان کے ہاتھوں کو کاٹ کر الگ کردیا۔
نتھالی راس نامی خاتون ٹرکس کے تھامپسن کوو بیچ کے اتھلے پانی میں تھیں جب یہ حملہ ہوا۔
نتھالی شارک کے حملے میں اپنے دونوں ہاتھ کھو بیٹھیں جب کہ شارک نے ان کی ران میں بھی کاٹا۔ خاتون کو ہوائی جہاز سے فوری اسپتال لے جایا گیا اور امید کی جارہی ہے کہ وہ زندہ بچ جائیں گی۔
واقعے کے بعد سرکاری اہلکاروں نے ساحل سمندر کو اس وقت تک بند کردیا جب تک اس بات کی تصدیق نہ ہوجائے کہ شارک گہرے پانی میں چلی گئی۔