ریاض: سعودی عرب کے ماہرین فلکیات کی جانب سے سعودی عرب میں شوال کا چاند نظر آنے سے متعلق پیش گوئی کی گئی ہے۔
عرب میڈیا رپورٹس کے مطابق ماہرین فلکیات کا کہنا ہے کہ شوال کا چاند 29 رمضان کو نظر آنے کا امکان ہے۔
سعودی ماہرین فلکیات کے مطابق ہفتہ 29 رمضان کو دن 2 بجے چاند کی پیدائش ہوگی اور سورج غروب ہونے کے بعد شوال کا چاند 8 منٹ تک دیکھا جاسکے گا۔
دوسری جانب پاکستان کے اسپیس اینڈ اپر ایٹموسفیئر ریسرچ کمیشن (سپارکو) کے اعلامیے کے مطابق سعودی عرب میں 29 مارچ کو چاند نظر آنے کے امکانات نہ ہونے کے برابر ہیں، مکہ میں غروبِ آفتاب کے وقت چاند کی عمر قریباً 5 گھنٹے ہوگی۔
اعلامیے میں مزید بتایا گیا کہ سعودی عرب اور مشرقِ وسطیٰ میں ہلال 30 مارچ کو نظر آئے گا، اسی طرح سعودی عرب میں بھی عیدالفطر 31 مارچ 2025 کو منائی جائے گی۔
خیال رہے کہ پاکستان میں عیدالفطر 31 مارچ بروز پیر کو ہونے کا امکان ہے۔